Түндүк – Түштүк альтернативдик жолунда 5 ири курулуш объекти курулууда 

Түндүк – Түштүк альтернативдик автожолунун кар көчкү көп катталган тилкелеринде коопсуздукту камсыз кылуу максатында 2 галерея жана 3 эстакадалык көпүрө куруу пландалган болчу. Учурда 5 ири курулуш объектинде активдүү иштер жүрүүдө. Бул тууралуу Транспорт жана коммуникациялар министрлигинин маалымат кызматы билдирди.

331-чакырымда жайгашкан галереянын негизги тирɵɵчтɵрү 15 метр тереңдикте казылып орнотулду. 339-чакырымда курулуп жаткан эстакадалык көпүрөнүн негизги тирɵɵчүн орнотуу үчүн 25 метр тереңдиктеги казуу иштери аяктады.

Ал эми калган галерея жана эстакадалык көпүрө объекттеринде жер иштери жана кɵпүрɵлɵрдүн негизин даярдоо жумуштары уланууда. Курулуш иштерине 19 ири техника тартылып, аймакта 1 цемент заводу орнотулуп, 20дан ашык адис жана жумушчу иш алып барууда.

Курулуш иштеринин сапаттуу жана мөөнөтүндө бүткөрүлүшү үчүн Транспорт министрлиги тарабынан үзгүлтүксүз көзөмөл жүргүзүлүүдө.