Лейлектин алыскы Ай-Көл айылына заманбап мектеп курулду

Баткенде Лейлек районунун Ай-Көл айылында Наркозу Батыров атындагы орто мектептин курулушу аяктады. Бул тууралуу облустук өкүлчүлүк билдирди.

225 орундуу типтүү мектепте окуу үчун толук шарттар түзүлүүдө. Мектеп Баткен облустук капиталдык курулуш башкармалыгы тарабынан республикалык бюджеттин эсебинен курулду. Курулушка жалпы 106 миллион 252 миң сом каралган. Мектептин жаңы окуу жылына карата пайдаланууга берилери күтүлүүдө.

Белгилей кетсек, буга чейин аталган мектептин окуучулары, мындан 75 жыл мурда ашар жолу менен курулган мектепте билим алып келишкен.

Мектептке ӨКМ тарабынан пайдаланууга жараксыз деген корутунду берилген.