Италияда 100 килограмм салмактагы аял шеригинин үстүнө кулады. Жабырлануучу каза тапты  

Италияда 100 килограммдан ашык салмактагы аял кокустан сүйүктүүсүнүн үстүнө кулап, аны басып калган. Daily Star гезити билдиргендей, дарыгерлердин аракетине карабастан, жигитти сактап калуу мүмкүн болгон эмес.

Окуя Кампанья аймагында болгон. Жергиликтүү маалымат каражаттарынын маалыматы боюнча, аял басып баратып, капысынан уктап жаткан жигиттин үстүнө кулаган. Бирок кайра ордунан тура албай калган.

Жардамга кошуналары келишкен. Алардын айтымында, аялды көтөрүү үчүн беш адам керек болгон. Тез жардам кызматы келгенде, жабырлануучу каза болуп калган.

Полиция текшерүү жүргүзүп, зордук-зомбулуктун белгилерин байкаган эмес. Аялга учурда психологиялык жардам көрсөтүлүп жатканы айтылды.