Кобра кыздын сумкасына кирип колун чагып алган

Орусиядагы Подмосковьеде 28 жаштагы кызды сейил бакта сейилдеп жүргөндө кобра чагып алып, ооруканага түшкөн. Бул тууралуу SHOT Telegram каналы билдирди.

Жабырлануучу колунун ириңдүү сезгенүүсү менен ооруканага жеткирилип, дарыгерлер анын денесиндеги ууну тез арада алып чыгышкан. Абалы турукташкандан кийин кыз ириңдүү хирургия бөлүмүнө которулуп, учурда дарыланууда. Дарыгерлер өз убагында медициналык жардам оор кесепеттерден качууга жардам бергенин белгилешет. Учурда бейтап айыгып жатат, бирок адистердин көзөмөлүндө.