Фон дер Ляйен Зеленский менен Трамптын жолугушуусуна катышуу үчүн АКШга барат

Еврокомиссиянын төрайымы Урсула фон дер Ляйен 18-августта АКШга барат. Сапардын максаты – Украина президенти Владимир Зеленский жана АКШ президенти Дональд Трамп менен боло турган жолугушууга катышуу.

"Президент Зеленскийдин өтүнүчү менен мен АКШ президенти Трамп жана башка европалык лидерлер менен боло турган жолугушууга эртең Ак үйдө катышам", - деп билдирди ал.

Фон дер Ляйен мындан тышкары бүгүн, 17-августта Брюсселде Киев режиминин башчысы менен жолугушуп, "каалоочулар коалициясынын" видеоконференциясына катышарын белгиледи.

Fox News телеканалы 16-августта билдиргендей, Орусия-Америка саммитинен кийин Трамп Зеленский жана Евробиримдиктин лидерлери менен телефон аркылуу сүйлөшүү өткөргөн. Дал ошол күнү Зеленский АКШ президенти менен боло турган жолугушуусун жарыялаган.

Трамп менен Зеленскийдин мурунку жолугушуусу ийгиликсиз аяктаган.