Бишкекте 20 жаштагы келин кайнатасына каршы милицияга арыз жазды (видео)

Бишкек шаарында милиция кызматкерине пара берүүгө аракет кылган жаран кармалып, убактылуу кармоо жайына киргизилди. Бул боюнча бүгүн, 18-августта Ленин райондук милициясы билдирет.

Маалыматка караганда, 20 жаштагы жаран милицияга арыз жазып, ушул жылдын август айында кайнатасы ага карата сексуалдык мүнөздөгү зомбулук аракеттерин жасаганын билдирген.

Аталган факт боюнча Кылмыш-жаза кодексинин 154-беренеси (Зордуктоо) менен кылмыш иши козголгон.

16-августта аталган кылмыш иши боюнча көрсөтмө берүү маалында 51 жаштагы И.А. аттуу жаран ишти токтотуу үчүн милиция кызматкерлерине пара сунуштаган.

Көп өтпөй Ленин РИИБинин кызмат бөлмөлөрүнүн биринде 50 миң сом өлчөмүндө пара берип жаткан учурда А.И. кармалды.

Бул факт боюнча Кылмыш-жаза кодексинин 345-беренеси (Пара берүү) менен кылмыш иши козголгон. Шектүү И.А. убактылуу кармоочу жайга киргизилген.

Тергөө иштери уланууда.