"Эр экенсиң..." Депутат Масалиев Байсаловдун сунушун сынга алды

Жогорку Кеңештин депутаты Исхак Масалиев социалдык тармактагы баракчасына өкмөттүн жергиликтүү бийликтерге берген сунушун жарыялап, аны сынга алды.

Анда Владимир Ленин атындагы көчөлөрдү өзгөртүүнүн тартиби каралган. Документке министрлер кабинетинин төрагасынын орун басары Эдил Байсалов кол койгон.

"Сунуштайт" имиш... Мыйзам бар, тартип бар, акыл эс болуш керек... Тарыхыбыз жана эстеликтер менен күрөшкөнгө эр экенсиң иним, Эдил! Өзүңөр төрөлүп, жакшылыкты көрүп чоңойгон заманды таптакыр унуттургула, баатырлар!

Владимир Ленин жана Иосиф Сталиндин бүгүнкү Кыргыз мамлекетибиздин пайда болушуна чексиз салымы бар. Же адашамбы? Бишкекте Махатма Ганди, Анкара, Дэн Сяопин деген көчөлөрүбүз бар. Ленин жана Сталин аттуу көчө жок. Келигиле, бир чоң көчөнүн атын Ленин деп коёлу?"- деп жазды ал.