Бишкекте өзүнөн кичине балдарды сабаган 4 жаран кармалды (видео)

Бишкекте массалык башаламан уюштуруп, бири-бирин аёосуз сабаган топ кармалды. Бул тууралуу Бишкек ШИИББинин басма сөз кызматы билдирди.

Маалым бьолгондой, 17-августта Ленин РИИБинен жаран арыз менен кайрылган. Анда Гагарин жана Муромск көчөлөрүнүн кесилишинде Эржан аттуу бала достору менен биргеликте, арыз ээсин жана жашы жете элек 2008-жылы жана 2010-жылы туулган бир тууган инилерин дубинка, газ ачыкычы менен сабагандыгын билдирип, мыйзамдуу чара көрүп берүүнү өтүнгөн.

Бул факт боюнча Кылмыш-жаза кодексинин 280-беренеси (Бейбаштык) менен кылмыш иши козголуп тергөө амалдары жүргүзүлүп башталды.

Натыйжада 2002-жылы туулган К.Э., 2002-жылы туулган Ж.Н., 1992-жылы туулган М.Э., 2002-жылы туулган Ж.А. аттуу шектүүлөр кармалып, убактылуу кармоочу жайга камакка алынган. Ал эми арыз ээсине карата ден соолугуна келтирилген зыян боюнча соттук-медициналык экспертиза дайындалды.