Израилдин Газа шаарын басып алуу операциясы 2026-жылга чейин уланары айтылды

Израилдин Газа шаарын басып алуу боюнча аскердик операциясы 2026-жылга чейин созулат, ал эми согуш күчөгөн убакта 130 миңге кайра чакыртылуучу жоокерлер катарга чакыртылат. Бул тууралуу чет элдик басылмалар жазышууда.

“Израил армиясынын резервисттеринин саны бир учурда 130 миң адамга чейин жетет. ЦАХАЛ узакка созулган операцияга даярданып жатат. Ал бир нече айга созулуп, 2026-жылга чейин уланат”,- деп белгиленди маалыматта.

Буга чейин Израилдин коргоо министри Исраэль Кац Газа шаарын басып алуу операциясын расмий түрдө жактырган. Анын маалыматына караганда, бул план саясий жетекчиликке жана министрлер кабинетине бекитүү үчүн сунушталат.