Бишкекте эл аралык интеллектуалдык турнир болуп өттү

Бишкекте бүгүн, 20-августта эл аралык “Zakovat Asian Cup II" эл аралык турнири болуп өттү.

Иш-чаранын ачылышына министрлер кабинетинин төрагасы Адылбек Касымалиев, Өзбекстандын президенттик администрациясынын жетекчиси Саида Мирзиёева катышты.

Өкмөт башчы эл аралык турнирдин маанисине токтолуп, бул жылы өлкөдө өтүп жатканын кубануу менен белгиледи. Ошондой эле ал мындай долбоор өлкөдө колдоого алынарын кошумчалады.

Саида Мирзиёева өз сөзүндө кыргыз-өзбек элинин достук мамилеси, кызматташтыгы өнүгүп жатканын белгилеп өттү.

Интеллекталдык турнирде Кыргызстандын жана Өзбекстандын командасы ат салышты. Жыйынтыгында Өзбекстандан келген команда жеңишти камсыздап, турнирдин кубогуна ээ болду. Сыйлыкты Саида Мирзиеева тапшырды.

Белгилей кетсек, "Zakovat Asian Cup" эл аралык интеллектуалдык турнири алгач Өзбекстанда пайда болгон. Анда катышуучулар кыска убакыттын ичинде берилген суроолорго жооп табышат.

Буга чейин турнирдин алкаганда Лондон, Астана, Алматы, Дүйшөмбү, Берлин шаарларында эл аралык мелдештер өткөн.