Түндүк Кореяда жашыруун аскердик база табылды

Түндүк Корея Кытай менен чек арага жакын жерде өлкөнүн эң өнүккөн стратегиялык куралдарынын мекени деп эсептелген жашыруун аскерий база курган. Бул тууралуу Bloomberg басылмасы Вашингтондогу стратегиялык жана эл аралык изилдөөлөр борборунун (CSIS) баяндамасына таянуу менен жазып чыкты.

Аскердик база Кытай менен чек арадан 27 чакырым алыстыкта, тоо өрөөнүндө жайгашкан. Базанын аянты 22 чарчы километр. Ал жерде ядролук зарядды алып жүрүүгө жөндөмдүү баллистикалык ракеталар, ошондой эле алар үчүн учуруучу аппараттар сакталат деп болжолдонууда.

Баяндамада аталган ракеталар Чыгыш Азияга жана АКШга потенциалдуу өзөктүк коркунуч жаратат деп белгиленген. Базанын курулушу болжол менен 2004-жылы башталып, 2014-жылга чейин объекттердин көбү курулуп бүткөн жана ишке киргизилген. Ошону менен бирге докладда белгиленгендей, комплекс активдүү өнүгүүсүн улантууда.

Баяндамада ошондой эле базанын Кытай менен чек арага жакын жайгашканы кокусунан болушу мүмкүн эместиги айтылат. Анткени АКШ мындай объектиге кол салуудан этият болору ске алынган. Чабуулдун кесепети Кытайга да таасирин тийгизиши мүмкүн.

CSIS өз баяндамасында спутниктен тартылган сүрөттөрдү көрсөткөн.