НАТО Украинага аскер жөнөтүүнү пландабаганы айтылды

НАТОнун Аскердик комитетинин төрагасы Жузеппе Каво Драгоне альянстын аскерий контингентин Украинага жөнөтүү боюнча НАТО ичинде эч кандай талкуу болбогонун билдирди.

"Бул маселелер эл аралык саясаттын жана Москва менен сүйлөшүүлөрдүн бир бөлүгү. Бирок биз аларды НАТОдо такыр талкуулаган жокпуз, ал тургай кыйыткан да жокпуз", - деген ал Corriere della Sera басылмасына берген маегинде.

Ал белгилегендей, контингенттер боюнча маселе айрым өлкөлөр тарабынан, балким, эки тараптуу негизде көтөрүлгөн.

"Бирок, дагы бир жолу кайталап айтам, ал баштапкы баскычында калууда", - деп кошумчалаган.

"Мен даяр аскерлер бар-жогун билбейм, балким, кимдир бирөө НАТОго кирбеген өлкөлөрдүн аскерлеринин вариантын карап чыгышы мүмкүн. Бардык суроолор ачык. Бир гана чечкиндүү билдирүү бар: НАТО биринчи кезекте өзүнүн мүчө-мамлекеттеринин жарандарын коргоого умтулат", - деп жыйынтыктаган Драгоне.