Агартуу министрлиги окуу китептери боюнча маалымат берди

Агартуу министрлиги окуу китептерин басып чыгарууга ушул жылы мамлекет тарабынан 744 миллион сом бөлүнгөнүн билдирди.

Бүгүнкү күндө министрлик “Учкун” ААК менен жалпысынан 571,9 миллион сомго 3 198 650 нускада окуу-методикалык комплекстерди басып чыгарууга контракттарды түздү (2023-2024-жылдары 1 490 786 нускада окуу китептери даярдалган). Бул сумманын ичинен бүгүнкү күндө англис тили предмети боюнча жаңы окуу-методикалык комплекстер 1 917 570 нускада басылып чыкты. Анын ичинде:

3-класстар үчүн – 148 830 нуска;
4-класстар үчүн – 322 350 нуска (анын ичинен 158 700 нускасы Улуу Британиянын элчилигинин финансылык колдоосу менен жарык көрдү);
5-класстар үчүн – 305 010 нуска;
6-класстар үчүн – 299 850 нуска;
7-класстар үчүн – 288 750 нуска;
8-класстар үчүн – 282 050 нуска;
9-класстар үчүн – 270 730 нуска.

Ошондой эле 1, 2-класстар үчүн математика жана табият таануу предметтери боюнча жаңы окуу-методикалык комплекстер 1 281 080 нускада басылып чыгууда. Анын ичинде:

1-класстар үчүн математика – 295 880 нуска;
2-класстар үчүн математика – 344 660 нуска;
1-класстар үчүн табият таануу – 295 880 нуска;
2-класстар үчүн табият таануу – 344 660 нуска;

5, 7-класстар үчүн математика жана табият таануу предметтери боюнча адаптацияланган окуу-методикалык комплекстер, ошондой эле 1-класстар үчүн “Наристе. Алиппе” окуу китеби басууга даярдалууда.

Кыргызстан менен Орусиянын жумушчу тобу адаптациялаган орус тили жана адабияты боюнча окуу китептери Орусияда басылып чыгып, 2025-жылдын октябрь айында Кыргызстандагы мектептерине жеткирилет.

Агартуу министрлиги “Окуу китеби” онлайн-платформасын ишке киргизди. Платформа окуу китептерин жеткирүү мөөнөттөрүнө карабастан окуу процессин камсыз кылууга мүмкүндүк берет жана аларга жетүү үчүн бирдиктүү санариптик ресурс болуп калат. Окуучулардын, ата-энелердин жана мугалимдердин ыңгайлуулугу үчүн “Окуу китеби” “Күндөлүк” жана “Санарип Кампа” системдери менен интеграцияланат.

Окуучулар окуу китептерин электрондук түрдө акысыз колдоно алышат, ал эми авторизациядан кийин – офлайн режимде иштөө үчүн аларды жүктөп алышат.