Айыл Банктан жаңы мобилдик банкинг — ABank

«Айыл Банк» ААКсы жаңы ABank мобилдик тиркемесин ишке киргизди — бул финансыңды жөнөкөй, тез жана коопсуз башкарууга мүмкүндүк берген заманбап банкинг. Бүгүнкү күндө жашообузду телефонсуз элестетүү мүмкүн эмес болуп калды жана негизги операциялар смартфон аркылуу жеткиликтүү: коммуналдык кызматтарды төлөөдөн тарта эл аралык которууларга чейин.

ABank кардарларга жаңы мүмкүнчүлүктөрдү ачат. Каттоо жана идентификация толугу менен онлайн жүрөт, бөлүмгө баруунун кажети жок. Эсептерди, карттарды жана кредиттерди башкаруу жеңилдеди: онлайн-кредитке арыз берүүгө, анын статусун көзөмөлдөөгө жана каражат эсепке түшкөнгө чейин аны жокко чыгарууга болот. Негизги операциялардын баары смартфон аркылуу жеткиликтүү — банк ичиндеги жана Кыргызстандын башка банктарына акча которуулар, SWIFT аркылуу эл аралык которуулар, кызматтарды төлөө, анын ичинде QR-код аркылуу төлөмдөр.

Ошондой эле тиркеме аркылуу маалымкаттарды жана көчүрмөлөрдү алуу, ОСАГОну онлайн каттоо, CarCheck жана «Менин айыптарым» кызматтары жеткиликтүү.

Тиркеме ар кандай жаштагы адамдар үчүн ыңгайлуу болушу үчүн түзүлгөн. Жөнөкөй интерфейс, күнү-түнү жеткиликтүүлүк жана операцияларды тез аткаруу финансы менен иштөөнү дагы ыңгайлуу кылат. Face ID же манжа изи аркылуу кирүү жогорку деңгээлдеги коопсуздукту камсыз кылат, ал эми PIN-кодду жана жеке маалыматтарды түз эле тиркемеден өзгөртүү мүмкүнчүлүгү кардарларга кошумча ишеним тартуулайт.

Тиркеме iOS жана Android колдонуучулары үчүн жеткиликтүү жана кардарлардын жаңы талаптарына жооп берүү үчүн үзгүлтүксүз жаңыртылып турат.

«ABank» тиркемесин App Store же Play Marketтен акысыз көчүрүү жеткиликтүү.

ABank — сенин ыргагың, сенин эрежең!

Улуттук банктын лицензиясы №048