Ошто үйү "снос" болгон жаранга жаңы турак жай салынып берилди

Жол кеңейтүү үчүн үйү бузулган үй-бүлөгө жаңы үй курулуп берилди. Бул тууралуу Ош шаарынын мэриясы билдирди.

Маалымдагандай, Волгоград көчөсүн кеңейтүүнүн алкагында кызыл сызыкка чыгып кеткен курулуштар алып салынган. Анын ичинде Данияр Исраиловдун аттуу жарандын үйү да болуп, жашап жаткан турак-жайы толугу менен бузулган.

Калаа башчысы Жеңишбек Токторбаевдин тапшырмасы менен шаар бийлиги бул үй-бүлөгө бардык шарты менен жаңы үй куруп берген.