Бажы кызматынын майору кармалды (видео)

Мамлекеттик бажы кызматынын Баткен бажысынын улук инспектору пара бергендиги үчүн кармалды. Бул тууралуу Улуттук коопсуздук мамлекеттик комитети билдирди.

Маалыматка ылайык, бажы кызматынын майору 26-августта Коопсуздук жана коррупцияга каршы күрөшүү кызматынын кызматкерине кызматтык иликтөө боюнча оң чечим чыгарып берүүсү үчүн 1000 доллар пара берип жаткан жеринен колго түшкөн.

Ага карата Кылмыш-жаза кодексинин 345-беренесинин 1-бөлүгүнүн (Пара берүү) негизинде кылмыш иши козголду. Шектүү УКМКнын тергөө абагынын киргизилди.