Бишкекте Борбор Азиядагы эң ири "Евразия" паркы ачылды (сүрөт)

Бүгүн, 28-августта Бишкекте Борбор Азиядагы эң ири жана заманбап эс алуу жайларынын бири - "Евразия" паркы расмий түрдө ачылды.

Бишкек шаарынын четиндеги Орок айылындагы бул парк Евразия экономикалык биримдигинин (ЕАЭБ) түзүлгөнүнө 10 жыл толгондугуна карата белек катары курулду. Долбоор жеке демөөрчүлөрдүн жана мамлекеттик органдардын колдоосу менен ишке ашты.

Жалпы аянты 10 гектарды түзгөн паркта:

• 30дан ашык заманбап аттракцион,

• 4,600 м² аква-зона,

• 630 м² муз аймагы (зимняя зона),

• балдар үчүн оюн комплекстери, спорт аянтчалары жана

• динопарк жайгашкан.

Парк бекер жана жыл бою иштейт. Күндүз 10 миңге чейин адамды кабыл алууга ылайыкталган. Коопсуздук үчүн видеокөзөмөл, медпункт жана күзөт кызматтары иштейт.

Кирүү QR-код жана онлайн каттоо аркылуу уюштурулат.

Иш-чарага президент Садыр Жапаров баштаган Кыргызстандын жогорку жетекчилиги, Орусиянын Кыргызстандагы элчиси, ошондой эле "Евразия" коомдук уюмунун өкүлдөрү катышты.

Маалымат үчүн:

"Евразия" паркы — бул маданият, эс алуу жана коомдук интеграцияны айкалыштырган уникалдуу долбоор. Ал эл аралык кызматташтыкты, балдар менен жаштардын өнүгүүсүн колдоо жана маданий байланыштарды бекемдөө максатында түзүлгөн.