Кытайда дүйнөдөгү эң бийик көпүрөнүн курулушу аяктады

Кытайда 2890 метр узундуктагы көпүрө курулуп бүттү, ал деңиз деңгээлинен 625 метр бийиктикте жайгашкан. Бул тууралуу чет элдик басылмалар жазышты.

Маалым болгондой, көпүрө Гуйчжоу провинциясындагы Хуацзян каньонун тоолор менен бириктирет. Көпүрөнүн салмагы 22 миң тоннага жетет жана ал 2022-жылдан бери курулуп жаткан болчу.

Бул көпүрөнүн ачылышы аймактагы транспорттук абалга чоң таасирин тийгизет. Хуацзян каньонун кесилишине өтүү үчүн эки саатка чейин убакыт кетсе, көпүрө ишке киргенден кийин бир нече мүнөттө өтүп кетүүгө мүмкүнчүлүк болот.

Учурда адистер көпүрөнүн акыркы сыноолорун жүргүзүп жатышат. Жол кыймылы сентябрдын аягында ачылат. Көпүрөнүн курулушуна кытай өкмөтү 300 миллион доллар сарптаган.

Белгилүү болгондой, ошол эле провинцияда жайгашкан Дуге көпүрөсү азыркы учурда дүйнөдөгү эң бийик көпүрөлөрдүн рейтингинде биринчи орунда турат. Анын бийиктиги 595 метрди түзөт.