Миллиондогон көрүүлөр, хит ырлар... Кыргыз эстрадасында өзгөчө орун ээлеген Эрлан Андашев 38 жашка толду

Белглилүү ырчы, обончу Эрлан Андашев бүгүн, 29-августта 38 жашка толду. Анын аткаруусундагы ырлар бат эле элдин сүймөнчүлүгүнө айланып, популярдуулукка айлангандыгы баарыбызга маалым. Ырчы өзүнүн чыгармачылыгы менен кыргыз музыкасында өзгөчө ордун камсыздап, кеңири аудиторияны өзүнө тартып келет. Ошондой эле, акыркы убактарга көптөгөн фильмдерге саундтрек жазып, күйөрмандарынын көңүлүнүөн орун алууда.

Өмүр таржымалы:

Эрлан Андашев 1987-жылдын 29-августунда Чүй облусунун Ысык-Ата районундагы Нурманбет айылында туулган. Музыкага болгон кызыгуусу жаш кезинен байкалып, ал өзүнүн чыгармачылык жолун Мукаш Абдраев атындагы музыкалык мектепте баштаган. Бул мектептен алган билим ал үчүн фундамент болуп, келечектеги музыкалык ийгиликтерге жол ачкан.

Ал Кыргызстандын музыкалык чөйрөсүндө талант катары таанылып, жаш кезинде эле көптөгөн чакан концерттерде жана жергиликтүү фестивалдарда катышкан.

Чыгармачылыгы:

Андашевдин ырларынын көпчүлүгү кыргыз эстрадасында хитке айланган. "Сүйбөс болдум", "Сагындырба", "Ашыгым" сыяктуу чыгармалары коомчулукта кеңири таанылган. Айрыкча "Ашыгым" ырынын видеоклиби 49 миллионго жакын көрүү алган, бул анын эл арасында кандай деңгээлде популярдуулугун көрсөтөт.

2013-жылы ырчы АКШнын Огайо штатына көчүп, чыгармачылыгын чет жакта уланткан. Ал жерде жаңы ырларды жазып, кыргызстандык күйөрмандары үчүн концерттерди уюштурган. Бул аралыкта ал кыргыз музыкасындагы заманбап тенденцияларды байкап, өз чыгармачылыгында жаңы эксперименттерди жүргүзгөн.

2022-жылы Эрлан Андашев Кыргызстанга кайтып келип, "Кыргыз жери" аттуу жаңы чыгармасын жарыялаган. Бул чыгармада ал мекенге болгон сүйүүсүн, патриоттук сезимин жана жашоого болгон терең көз карашын чагылдырган.

Анын чыгармачылыгы жаш муундарга таасир этип, алардын музыкалык маданиятын байытып келет. Анын ырлары сүйүү, мекенге берилгендик жана жашоонун ар кандай кырдалы тууралуу терең ойлорду камтыйт. Ал өзүнүн чыгармаларында классикалык кыргыз обонун заманбап ритм менен айкалыштырып, угармандарга жаңы музыкалык тажрыйба тартуулайт.

Ийгиликтери:

Эрлан Андашев 2020-2021-жылдары "Жылдын мыкты аткаруучу мырзасы", 2021-жылы "Жылдын мыкты композитору" номинациясына татып, "Маданияттын мыкты кызматкери" төш белгиси менен сыйланган. Ошондой эле ал "Американын эң мыкты ырчы мырзасы" аталган.

Жеке турмушу:

Ырчы мырза үй-бүлөлүү, жубайы менен бир кыз, бир уулду тарбиялап келишет.

Андашев музыка аркылуу өзүнүн сезимдерин жана ойлорун көрүүчүлөрүнө жеткирип келет. Ал чыгармачылыгын жашоосу менен тыгыз байланышта алып барат, жана ар бир жаңы чыгармада өзүнүн тажрыйбасын жана сезимдерин чагылдырган.

Жаңы долбоорлору:

Эрлан Андашев чыгармачылыгын үзгүлтүксүз өнүктүрүп, жаңы ырлар жазууну, клиптер тартууну жана концерттик иш-чараларды өткөрүүнү улантып келе жатат. Бүгүн болсо "Мен кыргызмын" аттуу жаңы ыры чыгаарын өзүнүн социалдык тармактагы баракчасында бөлүштү.

29-августка карата жылнаама.