Президент Оштогу "Асман Резиденс-1" ипотекалык турак жайын көрүп чыкты

Бүгүн, 29-августта президент Садыр Жапаров Ош шаарында Мамлекеттик ипотекалык компания тарабынан салынып жаткан "Асман Резиденс-1" турак жай комлексинин курулушунун жүрүшү менен таанышты. Бул тууралуу мамлекет башчысынын басма сөз кызматы билдирди.

Маалым болгондой, мында 12 кабаттуу 8 үй курулуп, батирлердин жалпы саны 543ү түзөт.

"Бүгүнкү күндө алтынчы кабатка чейин жылуулоо иштери жүрүүдө, алтынчы кабаттан он экинчи кабатка чейин сырткы дубалдары көтөрүлүп, фасадын кооздоо, ички жасалгасы жана терезе коюу иштери жасалып жатат. Долбоор боюнча спорттук жана балдар аянтчалары, жер алдындагы унаа токтотуучу жай, коомдук тамактануу объекттери жана соода борборлору каралган. Турак жай комплекси жалпы аянты 1,3 гектар жерде жайгашкан",- деп белгиленет маалыматта.

Жапаров аткарылып жаткан иштердин жана колдонулуучу курулуш материалдарынын сапатына өзгөчө көңүл буруу зарылдыгын баса белгиледи.