Бишкекте Азия Кубогунун тандап алуу оюндары өтөт (оюндардын жүгүртмөсү)

Бишкекте 1-9-сентябрь күндөрү 2026-жылкы Азия Кубогунун тандап алуу оюндары өтөт. Бул тууралуу Кыргыз футбол биримдигинен билдирди.

Маалымдалгандай, бардык беттештер Дөлөн Өмүрзаков атындагы борбордук стадиондо өткөрүлөт. Кыргыз курамасы Өзбекстан, Палестина жана Шри-Ланканын командалары менен “Е” тайпасында күч сынашат.

Оюндардын жүгүртмөсү:

03.09.25 | 16:00 — Өзбекстан – Шри-Ланка
03.09.25 | 20:00 — Палестина – Кыргызстан
06.09.25 | 16:00 — Шри-Ланка – Палестина
06.09.25 | 20:00 — Кыргызстан – Өзбекстан
09.09.25 | 16:00 — Өзбекстан – Палестина
09.09.25 | 20:00 — Кыргызстан – Шри-Ланка

Кыргызстандын U-23 олимпиадалык курамасы 15-августтан бери Бишкек шаарында окуу-машыгуу жыйындарын өткөрүүдө. Команданын башкы машыктыруучусу, бразилиялык адис Эдмар Ласерданын жетекчилиги алдында өтүп жаткан машыгуулардын жүрүшү тууралуу маалыматтар Кыргыз футбол биримдигинин соцтармактардагы бардык баракчаларында жеткиликтүү.

Кыргыз Республикасынын командасы катыша турчу оюндар оюн-зоок жана концерттик программалар менен коштолот. Мелдештин алкагында өтө турчу жалпы алты оюнга билеттер TICKET.KG сайты аркылуу сатылат.

Тандап алуу оюндарга жалпы 44 курама катышып, алар 11 тайпага бөлүнгөн. Ал эми 2026-жылкы U-23 Азия Кубогунун финалдык этабы 2026-жылдын январь айында Сауд Арабиясында өтүп, ага 16 курама жолдомо алат.