Ооганстан менен Тажикстандын ортосунда куралдуу кагылышуу болду

24-августта Бадахшан провинциясындагы Даванг чек ара аймагында Ооганстан менен Тажикстандын ортосунда куралдуу кагылышуу болду.

Shana news басылмасынын маалыматына караганда, атышуу учурунда бир талибанчы курман болуп, дагы төртөө жаракат алган. Жергиликтүү булактардын айтымында, кагылышуунун негизги себеби — кытайлык тоо-кен компанияларынын катышуусу жана Амударья дарыясынын нугуна зыян келиши.

Afghanistan International агенттиги кабарлагандай, Даванг чек ара аймагындагы кагылышуудан кийин Талибан менен тажик аскерлеринин өкүлдөрүнүн жолугушуусу өткөн. Жолугушууда дарыя суусу жана тоо-кен казып алуу ишмердүүлүгү маселелери талкууланып, тараптар бири-бирин оппозициялык күчтөрдү жашырып жана даярдап жатат деп айыпташкан.