Израилдин Йеменге жасаган аба соккусунан хуситтердин өкмөт мүчөлөрү курман болушту

Сана шаарында болгон Израилдин аба соккусунун кесепетинен хуситтердин "Ансар Аллах" кыймылы тарабынан түзүлгөн өкмөтүнүн кеминде 10 мүчөсү каза болду. Бул тууралуу ТАСС агенттигине кыймылдын өкүлү билдирди.

Каза болгондордун арасында:

• Өкмөт башчынын орун басары Жаляль ар-Рувейшан,
• Тышкы иштер министри Жамаль Амер,
• Маалымат министри Хашем Шарафаддин,
• Жергиликтүү өз алдынча башкаруу министри Мухаммед аль-Мадани,
• Экономика министри Муин аль-Махакри,
• Адилет министри Муджахид Ахмед,
• Транспорт министри Мухаммед Кахим,
• Эмгек министри Самир Баджала,
• Билим берүү министри Хасан ас-Саади,
• Спорт министри Мухаммед аль-Маулид бар.

Белгиленгендей, аталган кыймылдын өкмөт башчысы Ахмед Галеб ар-Рахавинин жана дагы бир нече министри курман болуп, бирок алардын ысымдары ачык аталган эмес. Өкмөттүн жаңы премьер-министри болуп анын биринчи орун басары Мухаммед Мифтах дайындалды.

Булактын айтымында, сокку маалында ички иштер министринин орун басары, өкмөттүн кеңсесинин башчысы жана аскердик операцияларды пландоо үчүн жооптуу болгон Сахра аш-Шаркаби да каза болгон.