Эртең, 1-сентябрда Жогорку Кеңештин кезектеги сессиясы жаңыланган залда өтөт

1-сентябрда Жогорку Кеңештин кезектеги сессиясы башталат. Бул тууралуу парламенттин Коомчулук жана ЖМК менен иштөө бөлүмү билдирди.

Ага байланыштуу бүгүн, 31-августта төрага Нурланбек Тургунбек уулу Жогорку Кеңешинин VII чакырылышынын V сессиясынын ачылышына карата көрүлүп жаткан даярдык иштери менен таанышты. Анын ичинен жаңыланган жалпы жыйындар залын, ошондой эле мыйзам чыгаруу ишин санариптештирүү жана чагылдыруу максатында орнотулган заманбап жабдууларды көрдү.

Эске салсак, Конституциянын 83-беренесине жана Жогорку Кеңештин регламентинин 32-беренесине ылайык, парламенттин сессиялары сентябрдын биринчи жумушчу күнүнөн тартып башталат. Тагыраагы, кезектеги сессиянын ачылышы эртең, 1-сентябрда өтөт.