Чолпон-Ата шаарында III Түрк универсиадасы башталды (фото)

Бүгүн, 4-сентябрда Чолпон-Ата шаарындагы “Газпром” спорт комлексинде дзюдо боюнча мелдештер өтүүдө. Бул тууралуу Дене тарбия жана спорт мамлекеттик агенттигинен билдиришти.

Маалым болгондой, Кыргызстандын дзюдо боюнча курама командасында 14 спортчу бар. Кыздар 4 салмак ченинде, эркектер 3 салмак категориясында күч сынашат.

Универсиадада спортчулар төмөнкү дзюдо, эркин күрөш, грек-рим күрөшү, шахмат, стол тенниси, волейбол, футзал боюнча таймашат.

Түрк универсиадасына Түркия, Казакстан, Өзбекстан, Кыргызстан жана Азербайжандын студенттик курама командалары катышууда.

Спорттук иш-чарага жалпысынан 450дөн ашык делегация мүчөлөрү чогулган. Алардын арасында спортчулар, машыктыруучулар, делегация башчылары жана дарыгерлер бар.

Эске салсак, Түрк мамлекеттер уюмуна мүчө өлкөлөрдүн алгачкы универсиадасы 2018-жылы апрель айында Бакуда (Азербайжан), II Түрк универсиадасы Казакстандын Түркстан шаарында 2023-жылдын ноябрь айында өткөн.