Ысык-Көл районунда мыйзамсыз торлор аныкталды

Ысык-Көл РИИБинин жетекчилиги Туристтик-экологиялык милиция, Өзгөчө кырдаалдар министрлиги жана бирдиктүү кызматтар менен биргеликте таңкы нускама өткөрдү. Жыйындын жүрүшүндө көлдүн үстүнө салынган эски жана мыйзамсыз торлорду аныктоо жана толук түрдө жок кылуу боюнча тийиштүү тапшырмалар берилди.

Бул иш-чаранын негизги максаты – Ысык-Көлдүн экологиялык коопсуздугун сактоо, балык чарбасын коргоо жана мыйзамсыз аракеттерге бөгөт коюу болуп саналат.

Ысык-Көлдүн жаратылышын коргоо жана коомдук тартипти камсыз кылуу багытындагы иштер мындан ары да улантылат.