Түркияда кымбат кеме сууга чыккандан 15 мүнөттөн кийин чөгүп кетти (видео)

Түркиянын түндүгүндөгү Зонгулдак жээгинде Dolce Vento кемеси чөгүп кетти. Окуя кеме сууга чыккандан 15 мүнөттөн кийин болгон.

The Sun басылмасы жарыялаган видеодо яхта суудан чыккандан кийин бир нече мүнөттүн ичинде оң жагына жыгылып, андан соң чөгүп баратканы көрүнөт. Кемедеги адамдар сууга секире башташкан, ал эми экипаждын бир мүчөсү акыркы учурга чейин кемеде калган.

Окуядан жабыркагандар болгон эмес, капитан, экипаждын эки мүчөсү жана яхтанын ээси сууга секиргенге үлгүрүп калышкан.

Белгилүү болгондой, бул яхтанын алгачкы саякаты болгон. Окуя болгон жерге куткаруу кызматкерлери жөнөтүлүп, жергиликтүү бийлик окуянын себептерин аныктоо үчүн иликтөө жүргүзүлөрүн билдирди.

Dolce Vento кемеси Стамбулда курулган. Окуя Түркияда туристтер көп барган Зонгулдак жээгинен болжол менен 200 метр аралыкта катталган. Басылманын маалыматы боюнча, чөгүп кеткен кеменин баасы 700 миң фунт стерлингди түзөт.