Бишкектин мэри түртүлүп жаткан имараттар боюнча тургундарга жерге сүрөт тартып түшүндүрдү (видео)

Бишкек шаарынын мэри Айбек Жунушалиев борбордогу жасалып жаткан жолдордун курулушун текшерди. Анда калаа башчысы ар бир көчөгө кирип маселелерди жеринде көрдү. Гоголь көчөсүндөгү рейдде тротуарлардын жасалышына жол боюндагы дүкөндөрдүн алынбай жаткандыгы себеп экендигин көрдү. Жунушалиев темир күркөлөрдү жүктөп кетүү тапшырмасын берди.

Ошондой эле Курманжан датка көчөсүндө жасалып жаткан жолго барды. Анда жолдун курулушунун кечеңдеп жатканы мыйзамсыз курулуштардан улам экендиги айтылды.

Шаар башчысы ар кандай жол менен бийликке кайрылуу жолдоп жаткан тургун менен жолугуп, анын курулушунун түртүлүшү эмне максатты көздөп жаткандыгын жерге чийип берип көрсөттү. Ал ушундай маселелерден улам курулуш иштери өз убагында бүтпөй жаткандыгын кыйытты.