Баңгизат менен кармалган белгилүү орусиялык актриса Аглая Тарасовага соттун өкүмү чыкты (видео)

Орусиялык белгилүү актриса Аглая Тарасова баңгизат чеккенине өкүнүп, чоң ката кетиргенин айтты. Бул тууралуу чет элдик басылмалар жазышты.

Актриса үй камагынын ордуна белгилүү бир аракеттерге тыюу салууну тандоону соттон суранды. Ал өлкөдөн кетпей турганын айтып, үй-бүлөдөгү негизги камкорчу экендигин билдирди. Ошондой эле үч тасмага тартылышы керектигин кошумчалады.

Тарасовага айрым аракеттерге тыюу салуу түрүндөгү бөгөт коюу чарасы берилди. Мындай чечимди Домодедово шаардык соту чыгарды.

Отурум ачык режимде өттү. Соттук териштирүүдө ал өз ыктыяры менен тергөө бөлүмүнө келип, паспортторун тапшырганын айткан. 31 жаштагы актрисада Орусия жана Израилдин жарандыгы бар.

Эске салсак, актриса 28-августта Домодедоводогу “жашыл коридордон” өтүп бара жаткан жеринде баңгизат менен кармалды.