Супер-Инфо
super.kg видео
Израилдин премьер-министри Газaнын тургундарын шаардан чыгып кетүүгө чакырды
Израилдин премьер-министри Беньямин Нетаньяху Газа секторуна каршы күчтүү аскердик операцияны жарыялап, жергиликтүү тургундарды шаарды таштап кетүүгө чакырды. Бул тууралуу чет элдик басылмалар жазышты.
Нетаньяху акыркы күндөрдө Израил күчтөрү Газада ХАМАС кыймылы колдонгон 50 бийик имаратты талкалаганын билдирди.
"Мунун баары — негизги күчтүү операциянын, биздин күчтөрдүн киришүүсү гана. Алар азыр уюшуп, Газа шаарына кирүүдө. Газа шаарынын тургундарына айтам. Мени кылдат угуп, ошол жерден кеткиле!" — деди Нетаньяху.
Бүгүн, 8-сентябрда Израил коргоо министри Исраэль Кац ХАМАС куралдарын тапшыра албаса, Газаны талкалай турганын айтып коркутту.
21-августта Нетаньяху Газа шаарына көзөмөл орнотуу жана ХАМАС кыймылын жок кылуу боюнча планды бекиткен. Бир күн мурда эле алар чабуулга киришкен. Израилдин өкүлдөрүнүн айтымында, операция 2026-жылга чейин улантылат.
Жаңы Зеландиянын премьер-министри Кристофер Лаксон Нетаньяхуну сынга алып, Газада гуманитардык жардамдын жоктугун, тынч тургундардын күчтөп көчүрүлүшүн жана аймакты аннексиялоо аракеттерин айыптады. Лаксон Нетаньяхунун “чектен чыгып кеткенин” жана анын психикалык абалынын начар экенин белгиледи.
0