Франциянын өкмөтү отставкага кетет

Парламенттеги добуш берүүнүн жыйынтыгы боюнча Франциянын азыркы премьер-министри Франсуа Байрунун өкмөтү отставкага кетет. Бул тууралуу чет элдик басылмалар жазып чыгышты.

Маалыматка ылайык, 364 депутат өкмөткө ишенбөөчүлүк көрсөттү. 194 гана парламентарий колдоп добуш берди. Түз фир X социалдык тармагындагы Улуттук ассамблея баракчасында жүргүзүлдү.

Добуш берүү алдында сүйлөгөн сөзүндө премьер-министр өлкөдөгү көптөгөн көйгөйлөргө, атап айтканда, өсүп жаткан мамлекеттик карызга токтолуп, өкмөт сунуштаган үнөмдөө чараларын актоого аракет кылды. "Анын кызматтан кетиши бул көйгөйлөрдү чечпейт",- деди Байру.

Августтун башында өкмөт башчысы Франциянын мамлекеттик карызы секунд сайын беш миң еврого өсүп жатканын айткан.

Министрлер кабинети 2024-жылдын декабрынын аягында түзүлүп, тогуз айга жетпеген убакыт иштеп жатат.

Июль айында Байру 2026-жылга бюджеттин мыйзам долбоорун сунуштаган. Анын айтымында, өкмөт мурда пландаштырылган 40 миллиарддын ордуна бир нече чыгаша беренелери боюнча 43,8 миллиард евро үнөмдөөгө ниеттенүүдө. Мындай чечим дүйнөдөгү коопсуздук боюнча “абалдын начарлашына байланыштуу” кабыл алынды.

Коргоо министрлиги кошумча 3,5 миллиард евро алыш керек болчу, ал эми башка министрликтердин бюджети ошол эле бойдон калат, пенсия жана социалдык төлөмдөр инфляцияга кирбейт. Бюджеттин тартыштыгын азайтуу үчүн Байру француздарды "көп иштөөгө" чакырып, эки майрам күнүн жумуш күнү кылууну сунуштады. Ал ошондой эле бийлик бай жарандар үчүн "тилектешүү салымын" киргизүүнү пландап жатканын белгиледи.