Өзбекстанда ФИФАнын кеңсеси ачылат

Өзбекстандын президенти Шавкат Мирзиёев менен ФИФА президенти Жанни Инфантинонун жолугушуусунун жыйынтыгында Ташкент шаарында ФИФАнын Борбор Азия өлкөлөрү үчүн аймактык кеңсесин ачуу боюнча макулдашууга жетишилди. Бул тууралуу президенттин маалымат кызматы кабарлады.
Жолугушууда тараптар футбол жаатындагы кызматташтыкты кеңейтүү, жаш таланттарды тарбиялоо, машыктыруучуларды, калыстарды жана башка адистерди эл аралык деңгээлде даярдоо боюнча маселелерди талкуулашты.
Президент Мирзиёев Жанни Инфантиного Өзбек футболунун өнүгүшүнө кошкон салымы үчүн "Достук" орденин тапшырды.
Жолугушуудан кийин алар Өзбекстан менен Ирандын беттешин чогуу көрүштү. Өзбекстандын курамасы 1:0 эсебинде жеңип, CAFA Nations Cup – 2025 турниринин чемпиону болду.
CAFA - Борбор Азия футбол ассоциациясы. Быйылкы турнирге Өзбекстан, Иран, Ооганстан, Кыргызстан, Тажикстан, Түркмөнстан, Индия жана Оман курамалары катышты. Турнир эки жылда бир өтөт.
0

Супер-Инфо
super.kg видео
















