Al Jazeera: ХАМАСтын лидерлери Дохадагы чабуулда аман калышты

ХАМАС кыймылынын Газадагы лидери Халиль аль-Хейя баштаган делегация Израилдин Дохага жасаган соккусунда тирүү калды. Бул тууралуу Al Jazeera басылмасы палестиналык булактарга таянып кабарлады.

Буга чейин Катардын борборундагы жолугушууга катышкан ХАМАС лидерлеринин каза болгону тууралуу маалыматтар чыккан.

"Аль-Хадат" басылмасынын маалыматына ылайык, тынчтык орнотуу боюнча сүйлөшүүлөр жүргөн имаратта Халиль аль-Хейя, тышкы иштер боюнча кеңсе башчысы Халед Машааль, ХАМАС уюмунун командири Захер Жабарин, саясий бюронун мүчөлөрү Низар Аудалла жана Гази Хамад болгон. Буга чейин телеканалдын кабарында аль-Хейя, Захер Жабарин жана Халед Машааль Израилдин соккусунан каза болгону белгиленген.

Израил, бүгүн 9-сентябрда ХАМАС уюмунун жогорку жетекчилигине сокку урганын маалымдады. The Jerusalem Post басылмасы Израилдин бул операциясын АКШ президенти Дональд Трамптын администрациясы алдын ала колдогонун жазды.