Ош мэри Токторбаев: "Көмүр базалар шаарды булгап жатышат"

Бүгүн, 10-сентябрда Ош шаарынын мэри Жеңишбек Токторбаев Раззаков көчөсүндө жайгашкан көмүр базаларын көрүп чыкты.

Мэр ал жерде көмүрдүн калдыктары эзилип, борпоң чаңга айланып, анын баары чоң жүк ташуучу унаалар менен шаарга чыгып, жаңыдан асфальт төшөлгөн жолдорду булгап жатканын айтты. Буга удаа базаларды сыртка чыгаруу боюнча ээлерине эскертүү берип, иш алып барууну тиешелүү кызматтарга тапшырды.

Мэрия эскерткендей, көмүр базаларынан жайында чаң көтөрүлсө, кышкысын ылай кошо чыгып жолдорду жана экологияны булгап жаткандыгы шаар тургундары тарабынан да айтылып келет.