Непалдын мурдагы премьер-министринин жубайы митингчилердин кол салуусунан каза болду

Непалдын мурдагы премьер-министринин жубайы Арзу Рану Деуба митингчилер алардын үйүнө кол салгандан кийин каза болду. Бул тууралуу чет элдик басылмалар жазышты.

Митингчилер аны сабап, андан соң үйүнүн ичине камап өрттөп салышты. Ал күйүк алып, ооруканада көз жумду. Ал өлкөнүн тышкы иштер министри кызматын аркалап келген.

Экс-премьер-министр Шера Бахадура Деуба аялы менен трагедияга чейин үйдөн чыгарылып, канга боёлгон. Милиция кызматкерлери аны куткарып калууга жетишкен.

Эске салсак, жарандардын нааразы болушуна 4-сентябрда Непалда бир катар социалдык тармактарга киргизилген чектөөлөр себеп болгон.

Катмандудагы Непал парламентинин имаратынын алдына чогулган митингчилер өкмөттүн отставкасын талап кылышты. Алар Непалдын президентинин резиденциясына кирип, аны өрттөштү. Премьер-министр Шарма Олинин Балкот шаарындагы жеке резиденциясын да өрттөштү. Министрлер менен саясатчылардын бир нече резиденциясына да зыян келтирилди.