Депутат Бишкек-Раззаков аба катамынын билети кымбат болуп жатканын айтты

Бүгүн, 10-сентябрдагы Жогорку Кеңештин жыйынында депутат Чыңгыз Ажибаев өкмөттөн Бишкек-Раззаков-Бишкек аба каттамынын билет баасын караштырып көрүүнү суранды.

Ал учурда билет баасы 5 миңден 6 миң 700 сомго чейин болуп жатканын айтты.

"Бул багытта күн сайын "Асман Эйрлайнс" авиакомпаниясынын учактары учуп жатат. Бул алыскы Лейлектен борборго келип кеткен эл үчүн кыйынчылык жаратууда. Мына, ата мекендик компания дагы бир учак сатып алды. Эми ушул баа саясатын туура көзөмөлдөп, элге жагымдуу шарт түзүп берсек",- деди ал.