Англия курама командасына күйөрмандардан тоскоолдук болду

Белградда өткөн Сербия – Англия футбол беттешинде англиялык оюнчулар күйөрмандар тарабынан лазердик көрсөткүч аркылуу тоскоолдукка кабылышты. Бул тууралуу The Sun басылмасы жазды.

Маалым болгондой, оюнду башкы калыс убактылуу токтотууга аргасыз болгон.

Биринчи таймдын аягында "Астон Вилла" командасынын коргоочусу Эзри Конса топ менен жылып бара жатып, лазер көзүнө тийип, селт эткени байкалган. Мындан мурда "Челсинин" капитаны Рис Жеймстин айып соккусу учурунда ушундай тоскоолдукка туш болгон.

Дүйнө чемпиондугунун тандоо оюндарында Англия курамасы тайпасында жетишкен упайларын жоготпой алдыда келе жатат. Ал эми Сербия үчүнчү орунда турат.