Орусияда 14 жаштагы хоккейчи машыгуу учурунда каза болуп калды

Орусиянын Свердлов районунун Асбест шаарында 14 жаштагы хоккейчи машыгуу учурунда каза болду. Бул тууралуу чет элдик басылмалар жазып чыгышты.

Кырсык 9-сентябрда кечинде Хризотил спорт мектебинде болгон. Саат 16:30да спортчулар машыгууга киришкен. Ал бир нече көнүгүүлөрдү жасаган. Бир учурда жыгылып, ошол бойдон өзүнө келген эмес. Дарыгерлер баланын өмүрү үчүн күрөшкөн, бирок натыйжа болгон эмес.

Машыктыруучунун айтымында, өспүрүмдүн ден соолугунда эч качан көйгөй болгон эмес, ал ар дайым бардык медициналык кароодон өткөн, дарыгерлер тарабынан спорт менен машыгууга уруксат берилген.

Учурда анын өлүмү боюнча иликтөө иштери жүрүп жатат.