Швецияда кийинки жылдан тарта мектептерде смартфондорго тыюу салынат

Швеция өкмөтү 2026-жылы башталгыч жана орто мектептерде смартфондорго тыюу салуу чечимин кабыл алды. Бул тууралуу Швециянын билим берүү министри Симона Мохамссон SR радиосуна берген маегинде билдирди.

Мохамссон бул чечим 2026-жылы күчүнө кирерин жана тыюу танапис учурунда дагы колдонуларын айтты. Өкмөт бул сунушту ишке ашыруу үчүн 10 миллион доллар каражат бөлгөн.

"Окуучулар TikTok'ко кирип убакытты текке кетиргендин ордуна, танаписте достору менен убакыт өткөрүп же футбол ойноп ырахат алууну үйрөнүшү керек",- деди министр.