Кытайлык компания өз кызматкерлерине арыктоо үчүн акча төлөп берүүдө

Кытайдагы Arashi Vision аттуу IT компаниясы кызматкерлерин дени сак жашоого үндөө үчүн кызыктуу корпоративдик программа ишке киргизди.

Өткөн бир жыл ичинде бул акцияга 99 кызматкер катышып, жалпысы 950 килограммга арыкташып, 1 миллион юань өлчөмүндө акчалай сыйлык алышкан.

Программага каалаган кызматкер катыша алат. Ар бир жоготулган 0,5 килограмм салмак үчүн 500 юань (болжол менен 70 доллар) берилет. Бирок акцияда "айып пункту" да бар. Эгер катышуучу кайрадан салмак кошсо, анда ар бир кошулган 0,5 килограмм үчүн 800 юань айып төлөшү керек.

Компаниядагы жаш кызматкер Се Яци үч ай ичинде 20 килограммга арыктап, 2000 доллар сыйлыкка жана корпоративдик "Салмак азайтуу чемпиону" наамына ээ болгон. Ал сынактын жүрүшүндө тартипти катуу карманып, тамактануусуна кылдат көз салып, күнүнө 1,5 сааттан спорт менен машыгып турган.