Bishkek Snow Leopard Run 2025 — маанилүү чуркоо

2025-жылдын 21-сентябрында Бишкекте 5 миңге жакын жөө күлүктөр спорт адамдарды бириктирип гана тим болбостон, жаратылышты да коргой аларын далилдешет. Өлкөнүн башкы «Ала-Тоо» аянтында Кыргызстандын эң ири марафону BISHKEK SNOW LEOPARD RUN старт алат.

Маршрут борбор калаанын негизги көчөлөрү менен өтөт: Чүй проспектиси, Ю. Абдрахманов көчөсү, Ч. Айтматов проспектиси, А. Масалиев көчөсү. Катышуучуларды күздүн жылуу түстөрү, тарыхый архитектурасы жана күйөрмандардын колдоосу менен тосуп алат.

Ар бир кадам – табиятты сактоого салым

Bishkek Snow Leopard Run – бул жөн гана спорт эмес. Чогулган каражаттын бир бөлүгү ак илбирстердин жана алардын экосистемасын сактоо долбоорлоруна, айрым учурларда болсо борборду спортко ылайыктуу кылып көрктөндүрүүгө жумшалат.

Бул жарыштын алкагында, алты жыл ичинде эсте каларлык бир катар иштер аткарылды:

2019 — Ак илбирстерди изилдөө үчүн 32 фото-капкан тапшырылган;
2021 — «Ысык-Көл» биосфералык аймагына Niva унаасы берилген;
2022 — Д. Омурзаков атындагы стадиондо workout-аянтчасы орнотулган;
2023 — Э. Гареев атындагы Ботаникалык бакчага 40тан ашык техника тапшырылган;
2024 — быйылкы күздө Кыргызстан эгерлерине 90 комплект жабдууларды берүү пландалууда.

Биз – дүйнөлүк чуркоо үй-бүлөсүнүн бир бөлүгүбүз

Марафон AIMSтин мүчөсү болуп саналат жана 2025-жылдын январь айынан баштап түрк тилдүү өлкөлөрдүн эң ири марафондорун бириктирген TAN (Turkic Alliance of Long Runs) эл аралык ассоциациясына кошулган.

Бул жарыш – ар бир адам үчүн

Ар бир адам өзүнө ылайыктуу аралыкты таба алат:

5 км — 14 жаштан жогору
14 км — 16 жаштан жогору
21.1 км (жарым марафон) — 18 жаштан жогору
42.2 км (марафон) — 18 жаштан жогору

Мындан тышкары Kid’s Run – Балдар чуркоосу өтөт: 100 м, 300 м, 500 м жана 1 км аралыктары жаш спортчулар үчүн.

21-сентябрда Бишкек миңдеген кадамдар биригип, бирдиктүү ритмге айланган жерге айланат. Бул күн шаарды энергияга, жеке жеңиштерге, жаркын эмоцияларга жана жаратылышка болгон чыныгы камкордукка толтурат. Bishkek Snow Leopard Run 2025 — спорт менен кайрымдуулук бир демге айланган учур, ар бир километр жаңы тарыхка карай жасалган кадам болуп саналат.

? Сайт: www.nomadsport.net
? Почта: office@nomadsport.kg
? Дарек: А. Масалиев көчөсү 33/1
? Байланыш: +996 999 046 689 — Жумамидин Сезим («Номад Спорт» коомдук бирикмесинин PR-адиси)

20:20 11-09-2025

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

Рубрикадагы соңку кабарлар