Израил Йемендин борборуна чабуул жасады (видео)

Бүгүн, 10-сентябрда Израил Йемендин борбору Санадагы хуситтердин аскердик объектилерине сокку урду. Бул тууралуу чет элдик басылмалар жазышты.

Сокку аскердик лагерлерге, аскердик маалымат бөлүмүнүн штабына жана күйүүчү май кампасына жасалган.

"Бул хуситтердин, анын ичинде Израилдин аймагына учкучсуз учактар менен ракета чабуулдарына жооп катары жасалды", - деп билдиришти Израил аскерлери.

Хуситтер Йеменде Израилдин абадан коргонуу күчтөрү чабуул жасап жатканын ырастады. Бул тууралуу хуситтердин көзөмөлүндөгү аймактын куралдуу күчтөрдүн өкүлү Яхья Сариа билдирди.

Ошондой эле Al Masirah телеканалы маалымдагандай, соккулар Йемендин түндүк-батышындагы Жауф провинциясындагы өкмөттүк комплекске да урулган. Азырынча жабыркагандар тууралуу маалымат бериле элек.