Орусияда мас ата үч айлык ымыркайын ыйлаганы үчүн сабап салган

Орусиянын Когалым шаарында атасы сабаган үч айлык ымыркайдын абалы туруктуу. Бул тууралуу Юградагы балдардын укуктары боюнча комиссары Людмила Низамова билдирди.

Буга чейин мас абалындагы атасы ыйлап жаткан 3 айлык ымыркайга жини келип, башына чаап, уруп жибергени маалымдалган. Бала оор жаракат алып, ооруканага жеткирилген.

Балдардын укугун коргоочу ошондой эле атасын аталык укуктан ажыратуу боюнча доо арыз сотко жөнөтүлөрүн билдирди. Камкорчулук жана көзөмөлчүлүк органдары тарабынан документтер даярдалып, баланын апасына колдоо көрсөтүлүүдө.