Мбаппеге расисттик мамиле көрсөткөн күйөрман кармалды

Испаниянын "Реал Овьедо" клубунун күйөрманы мадриддик "Реалдын" жылдызы Килиан Мбаппеге расисттик мамиле жасаганы үчүн кармалды. Бул тууралуу чет өлкөлүк басылмалар жазышты.

Маалым болгондой, окуя 25-августта Овьедодогу "Карлос Тартьере" стадионунда өткөн Испания чемпиондугунун 2-турунда болду.

Оюн 0:3 эсебинде "Реалдын" пайдасына аяктап, Мбаппе 37- жана 83-мүнөттөрдө гол киргизген. Биринчи голдон кийин күйөрман маймылдын кыймылын жана үнүн туураган.

Күйөрманга 3 жылга чейин эркинен ажыратуу же 60 миңден 650 миң еврого чейин айып пул жана стадиондорго кирүүгө тыюу салынышы мүмкүн.

Анын ким экени видео жана фото материалдардын негизинде аныкталып, тергөө сотуна өткөрүлдү.