Таласта таза суу системинин курулушу текшерилди

Талас районуна караштуу Жон-Арык айылында курулуп жаткан таза суу системи текшерилди. Бул тууралуу Курулуш министрлиги билдирди.

Системдин курулушу “Жумгал суу курулуш” ЖЧКсы тарабынан жүргүзүлүп жаткан. Текшерүү учурунда суу түтүктөрүнө төшөлүүчү топуракка таш аралаштырылып коюлгандыгы аныкталган. Мындан улам башкармалык тарабынан акт түзүлүп, жазма эскертме менен подряддык уюмга айып пул салынды.

Натыйжада суу түтүктөрүнө төшөлгөн таштар алынып, курулуш нормаларына ылайык кайра жасалууда.