Марстан жашоого байланыштуу издер табылды

NASA‘нын Perseverance аппараты Марстын Cezero кратеринде өзгөчө таштардан "леопарддын издери сыяктуу" белгилерди тапты. Бул тууралуу чет элдик басылмалар жазышты.

Маалым болгондой, илимпоздор бул белгилер миллиарддаган жыл мурун Марста жашап өткөн майда жандыктар менен байланыштуу болушу мүмкүн экенин айтышууда.

Таштардагы минералдар органикалык заттар менен реакцияга кирген, бул жашоонун болушу ыктымал экенин көрсөтөт. Бирок азырынча Марстан жашоо табылды деп айтуу мүмкүн эмес.

NASA бул таштарды Жерге алып келип так текшерүүнү пландап жатат. Бул табылгалар Марста мурдагы жашоону изилдөөгө чоң үмүт берүүдө.