Польша Беларус жана Орусия менен чектешкен аймагына 40 миң аскерин жөнөтөт

Польша бийлиги жакынкы күндөрү Орусия жана Беларус менен чектешкен чек арага болжол менен 40 миң аскерди жиберүү чечимин кабыл алды. Бул тууралуу өлкөнүн коргоо министрлигинин орун басары Цезарий Томчик билдиргенин чет элдик басылмалар жазышты.

"Мына ушул [аскердик машыгуу] Украинадагы согуштун башталышына себеп болгон. Ошондуктан польшалык аскерлер ага даярдык көрүүдө. Жакынкы күндөрү чек арада биздин болжол менен 40 миң аскерибиз болот", — деди Томчик.

Анын айтымында, бул Орусия менен Беларуcтун "Батыш-2025" аскердик машыгууларына жооп болуп саналат.

Москва жана Минсктин биргелешкен машыгуулары 12–16-сентябрь күндөрү Беларуcтун аймагында өтөт. Орусиянын коргоо министри Андрей Белоусов билдиргендей, машыгуу толугу менен коргонуу максатында жүргүзүлөт.