Франция Польшадагы НАТО'нун абадан коргоо системин күчөтүү үчүн Rafale учактарын жөнөтөт

Франциянын президенти Эммануэль Макрон Орусиянын учкучсуз аппараттары Польша аба мейкиндигин бузгандан кийин, бул өлкө үстүндөгү НАТО'нун абадан коргонуу системин бекемдөө максатында үч Rafale согуш учагын жөнөтөрүн билдирди. Бул тууралуу Макрон социалдык тармактагы баракчасында жазды.

Маалыматка ылайык, Польша аба мейкиндигин коргоо боюнча НАТО баш катчысы Марк Рютте, Улуу Британиянын премьери Кир Стармер жана Польшанын премьери Дональд Туск менен сүйлөшкөнүн белгиледи.

Польша куралдуу күчтөрүнүн операциялык командачылыгы билдиргендей, өлкөнүн коопсуздугун камсыз кылуу максатында 10-сентябрдан 9-декабрга чейин Беларусь жана Украина менен болгон чыгыш чек ара аймактарында аба каттамдарына убактылуу чектөө киргизилди.

Эсчке салсак, Польша 10-сентябрда Орусиянын Украинадагы бутага жасаган чабуулдары маалында аба мейкиндигин бир нече ирет бузган айрым учкучсуз аппараттарды атып түшүргөнүн билдирген.

Ал эми Орусиянын Коргоо министрлиги Украинадагы аскердик объекттерге чабуул жасалганын, бирок Польшадагы объекттер бутага алынбаганын маалымдаган.