Балиде суу ташкынынан каза болгондор 18 адамга жетти

Индонезиянын Бали аралында суу ташкынынын кесепетинен каза болгондордун саны 18 адамга жетип, 659 жаран жаракат алды. Бул тууралуу өлкө бийлигине таянып, чет элдик маалымат агенттиктери жазышууда.

Маалым болгондой, дагы эки адам дайынсыз болууда.

"Бул табият кырсыгы көп жоготууларды алып келди. Анын кесепетинен 18 адам каза болуп, 185 жаран үйлөрүн таштап кетүүгө аргасыз болду. Дагы 659 адам жаракат алды",- деп айтылат кабарда.

Бали провинциясынын бийлиги аймактагы өзгөчө кырдаал режими 17-сентябрга чейин созула турганын билдирди. Кабарлангандай, мындай табият кырсыгы аймакта 5-10 жылдан бери алгачкы жолу катталып жатат. Адатта, бул мезгилде кургак аба ырайы болчу.