Кыргызстандык окуучулар Азия Кубогунда лыжа-роллер боюнча жакшы жыйынтык көрсөтүштү

Казакстандын Щучинск шаарындагы Улуттук лыжа спорт борборунда Азия Кубогунун лыжа-роллер боюнча акыркы этабы (FIS Roller Ski Asian Cup) болуп өттү. Бул мелдеш кышкы Олимп оюндарына квалификация алуу мүмкүнчүлүгүн берет. Бул тууралуу бүгүн, 12-сентябрда Бишкек шаарынын мэриясы кабарлады.

Маалыматка ылайык, мелдешке 9 өлкөнүн 107 спортчусу катышты. Анын ичинде биатлон бөлүмүнөн Жуманазаров атындагы Олимпиадалык резервдеги адистештирилген балдар-өспүрүмдөр мектептеринин 4 тарбиялануучусу да катышты.

Жыйынтыктар:

Спринт, классикалык стиль – 1,2 чакырым аралыкта:

• Айымдар арасында: Таалайбекова Диана – 48-орун;
• Мырзалар арасында: Сапарбеков Артур – 69-орун, Жумалиев Нурислам – 94-орун;

Интервалдык мелдеш, коньковый стиль боюнча:

• Айымдар 5 км аралыкта - Таалайбекова Диана – 53-орун;
• Эркектер арасында 10 чакырым аралыкта - Кадыров Элдар – 41-орун, Сапарбеков Артур – 71-орун, Жумалиев Нурислам – 93-орун.

Супер-спринт боюнча – 200 метр аралыкта:

• Айымдар арасында: Таалайбекова Диана – 32-орун;
• Мырзалар арасында: Сапарбеков Артур – 29-орун; ⁠Кадыров Элдар – 34-орун; Жумалиев Нурислам – 44-орун.